Tuesday, December 6, 2016

Incident Investigation Procedure ကို သက်ငယ်မုဒိမ်းမှု ဖြေရှင်းရာတွင် အသုံးချပုံ

(၁) ဒေါ်အောင်ဆန်းစုကြည် အသိဉာဏ်ပညာ ကြီးမားပုံ

စင်ကာပူရောက်မြန်မာများနှင့် နိုင်ငံတော်အတိုင်ပင်ခံပုဂ္ဂိုလ် တွေ့ဆုံပွဲကို ၂၀၁၆ ခုနှစ် ဒီဇင်ဘာလ ၁ ရက်နေ့က ကျင်းပခဲ့ရာ စင်ကာပူရောက် မြန်မာအတော်များများ တက်ရောက်ကြပါသည်။ အမေးအဖြေကဏ္ဍ၌ သက်ငယ်မုဒိမ်းမှုများ များပြားလာနေ ခြင်းအပေါ် မခံစားနိုင်သူတစ်ဦးက စင်ကာပူမှ ကြိမ်လုံးဝယ်သွားကာ နာနာနှက်ပေးပါရန် ဒေါ်အောင်ဆန်းစုကြည်ထံ မေတ္တာရပ်ခံ (အကြံပေး?) ၏။ (ကျွန်တော့်အလိုဖြင့် ကြိမ်လုံးဝယ်စရာမလိုပါ။ ဘလိတ်ဒါးတစ်ချောင်းရှိလျှင် ကိစ္စပြီးပါသည်။ ဤကား စကားချပ်)

ဒေါ်အောင်ဆန်းစုကြည်ဖြေသောအဖြေမှာ အလွန်ပညာရှိလှ၏။ ထို့ကြောင့်ပင် ကျွန်တော်က သူ့ကို ချစ်ခင် လေးစားနေရခြင်း ဖြစ်ပါသည်။ သူပြောတာကိုတော့ အတိအကျမမှတ်မိတော့ပါ။ အောက်ပါအချက်များပါပါသည်။

သူက ထိုမုဒိမ်းကောင်များကို ကြိမ်ဒဏ်၊ သေဒဏ်စသော ပြစ်ဒဏ်ကြီးကြီးများ ပေးလိုက်ရုံနှင့် သည်ကိစ္စများ ပ,ပျောက် သွားမည်မဟုတ်။ ဘာကြောင့်လဲဆိုသည့် အကြောင်းရင်းကိုရှာရမည်။ ယခု ကိစ္စတွင် အကြောင်းအချက်များစွာ ပါဝင်ပတ်သက်နေ၏။ ထိုအထဲတွင် လူနေမှုစနစ်လည်း ပါ၏။ မိဘများက စီးပွားရေးချို့တဲ့၍ သားသမီးများကို ပြန်မကြည့်နိုင် တာလည်းပါ၏။ အင်တာနက်ခေတ်စားလာတော့ ဟိုကား၊ သည်ကားတွေ ကြည့်လို့ရတာလည်းပါ၏ . . စသည်တို့ဖြစ်ပါသည်။

ကျွန်တော်ထပ်ဖြည့်ချင်သည်မှာ လူတို့၏ အသိဉာဏ်ပညာနိမ့်ကျလာခြင်းနှင့် ပတ်ဝန်းကျင်က ထိန်းကွပ်ကြပ်မ ပေးခြင်းလည်း ပါပါသည်။

ဤကိစ္စကို ဘယ်လိုဖြေရှင်းကြမည်နည်း။ အနာသိလျှင် ဆေးရှိပါသည်။

(၂) Incident Investigation Procedure

BCSS (Building Construction Supervisors Safety Course) သင်တန်းတွင် Incident Investigation အကြောင်းလည်း ထည့်သင်ရသည်။ ပြီးခဲ့သော တနင်္ဂနွေက ကျွန်တော် သင်တန်းသားများကို Incident Investigation အကြောင်း ရှင်းပြတော့ သည်နည်းကို သည် Incident Investigation တစ်နေရာတည်းတွင် မဟုတ်။ အခြားနေရာများတွင်ပါ သုံးလို့ရသေးကြောင်း၊ ယခု ပြဿနာတက်နေသည့် သက်ငယ်မုဒိမ်းမှုတွင်လည်း ဤနည်းကို အသုံးချ၍ရကြောင်း ရှင်းပြခဲ့ပါသည်။ ယခု ထိုအကြောင်း မိတ်ဆွေများကို ပြန်လည် ဖောက်သည်ချပါအံ့။

Incident Investigation (လုပ်ငန်းခွင်မတော်တဆမှုများကို စုံစမ်းစစ်ဆေးခြင်း) ကို ချုပ်လိုက်လျှင် အဆင့် လေးဆင့်ပါသည်။

၁။ အချက်အလက်များစုဆောင်းခြင်း (Data collection)
၂။ ရလာသော အချက်အလက်များပေါ်အခြေခံလျှက် စိစစ်လေ့လာပြီး အစီရင်ခံစာရေးခြင်း၊ ထိုအစီရင်ခံစာ၌ နောင်တွင် ထိုကဲ့သို့သော အလားတူ မတော်တဆမှုများမဖြစ်အောင် မည်ကဲ့သို့လုပ်ရမည်ဟူသည့် အကြံပြုချက် ပါသည်။ (Analysis, report writing and recommendation)
၃။ အကြံပြုချက်အတိုင်း လက်တွေ့ လိုက်နာလုပ်ဆောင်ခြင်း (Implementation)
၎။ ဤနည်းလမ်းသည် လုပ်ငန်းခွင်မတော်တဆမှုများကို တကယ် လျှော့ချပေးနိုင်၊ မပေးနိုင်။ တကယ် အလုပ်ဖြစ်၊ မဖြစ် ပြန်လည် ဆန်းစစ်လေ့လာခြင်း (Review the effectiveness)

ယခု ကျွန်တော်က Incident Investigation အကြောင်းပြောနေခြင်းမဟုတ်ဘဲ သက်ငယ်မုဒိန်းမှုအကြောင်း ပြောမှာဖြစ်၍ Incident Investigation အကြောင်းကို ချန်လှပ်ခဲ့ပါမည်။ ဒါမှ Incident Investigation အကြောင်း သိလိုပါသေးသည် ဆိုလျှင်တော့ ကျွန်တော်ပို့ချသည့် BCSS သင်တန်းကို လာတက်ပါဟုပဲ ဖိတ်ခေါ်ပါရစေ။
Incident Investigation တွင် သုံးသည့် အဆင့်လေးဆင့်ကို ဤတစ်နေရာတည်းတွင်မဟုတ်ဘဲ အခြားပြဿနာများ ဖြေရှင်းရာတွင်လည်း သုံးနိုင်ပါသည်။ ယခု သက်ငယ် မုဒိန်းမှုများအား Incident investigation procedure သုံး၍ ဖြေရှင်းနည်းအကြောင်း ကြည့်ကြပါစို့။

(၃) Incident Investigation Procedure ကို သက်ငယ်မုဒိန်းမှုများ မဖြစ်ပွားအောင် လုပ်ရမည့် လုပ်ငန်းစဉ်အဖြစ် ပြောင်းလဲ အသုံးချနိုင်ပုံ

၁။ အချက်အလက်များစုဆောင်းခြင်း (Data collection)

သက်ငယ်မုဒိန်းမှု ဖြစ်ပွားမှုနှုန်းကို စာရင်းကောက်ရပါမည်။ ၁၉၆၀ ခုနှစ်က ဘယ်လောက်၊ ၁၉၇၀ ခုနှစ်က ဘယ်လောက်၊ ၁၉၈၀၊ ၁၉၉၀၊ ၂၀၀၀၊ ၂၀၁၀၊ ၂၀၁၁၊ ၂၀၁၂၊ ၂၀၁၃၊ ၂၀၁၄၊ ၂၀၁၅၊ ၂၀၁၆ စသည်။

ထို့နောက် မုဒိန်းကောင်များအကြောင်းကို စုံစမ်းစစ်ဆေးရပါမည်။ ၎င်းတို့၏ အသက်အရွယ်အပိုင်းအခြား၊ ပညာ အရည်အချင်း၊ မိသားစုအခြေအနေ၊ ထိုသူ၏နောက်ခံသမိုင်း၊ အကျင့်စာရိတ္တ၊ ယခင်က ပြစ်မှုကျူးလွန်ခဲ့ဖူးခြင်း ရှိမရှိ၊ ရှိခဲ့လျှင် မည်ကဲ့သို့သော ပြစ်မှုဖြစ်သည်၊ ထောင်ကျဖူး မကျဖူး။ နှစ်ရှည်လများ ထောင်ကျခံခဲ့ရဖူးသူဖြစ်လျှင် အဘယ်နည်းဖြင့် အပြင်ပြန်ရောက်လာသည်၊ ထိုသူ၏ စိတ်အခြေအနေ၊ အလုပ်အကိုင်၊ ၀င်ငွေ၊ နေထိုင်သွားလာပုံ စသည်။

ထို့နောက် မုဒိန်းကျင့်ခံရသော ကလေးငယ်များ၏ အခြေအနေကို စုံစမ်းစစ်ဆေးရပါမည်။ ထိုကလေးတို့၏ မိသားစု အခြေအနေ၊ မိဘများကို သူတို့ကို ကြည့်ရှုစောင့်ရှောက်နိုင်ခြင်း ရှိမရှိ၊ ၎င်းတို့ကျင်လည်ရသော ပတ်ဝန်းကျင်၊ ရပ်ကွက်အခြေအနေ၊ ကျောင်းနေရခြင်း ရှိမရှိ စသည်။

ထို့နောက် မုဒိန်းမှုဖြစ်ပွားရာနယ်မြေ အခြေအနေ။ ထိုနယ်မြေတွင် ဖြစ်ပွားခဲ့သော ရာဇ၀တ်မှုများ၊ ထိုနယ်မြေ၏ လုံခြုံရေး အခြေအနေ၊ ရဲစခန်းများအခြေအနေ၊ ရဲများ၏ ပြည်သူလူထုအပေါ် ကြည့်ရှုစောင့်ရှောက်နိုင်မှု အခြေအနေ စသည်။

အရေးကြီးဆုံးမှာ ထိုအမှုများကို မည်မျှ မြန်မြန်ဆန်ဆန် ကိုင်တွယ်နိုင်သည်။ တရားစီရင်ရေးစနစ် မည်မျှအားကောင်းသည်၊ ထိုသူများကို မည်ကဲ့သို့ စီရင်ချက်ချလိုက်သည်။ ထိုကဲ့သို့ စီရင်ချက်ချလိုက်သည့်အခါ တရားခံဖြစ်သူ မည်ကဲ့သို့ ခံစားရသည်၊ ထိုကဲ့သို့ အမှုကျူးလွန်သူကို စီရင်ချက်ချ အပြစ်ပေး၊ အရေးယူလိုက်ပြီးသည့်နောက်ပိုင်းတွင် သက်ငယ်မုဒိန်းမှုများ ဆက်ဖြစ်နေသေးသည်၊ မဖြစ်တော့သည် စသည်။

၂။ ရလာသော အချက်အလက်များပေါ်အခြေခံလျှက် စိစစ်လေ့လာပြီး အစီရင်ခံစာရေးခြင်း၊ ထိုအစီရင်ခံစာတွင် နောင်တွင် ထိုကဲ့သို့သော အလားတူ မတော်တဆမှုမဖြစ်အောင် မည်ကဲ့သို့လုပ်ရမည်ဟူသည့် အကြံပြုချက် ပါသည်။ (Analysis, report writing and recommendation)

ထိုစုဆောင်းရရှိလာသော အချက်အလက်များအပေါ် အခြေခံကာ မည်သည့်အတွက် ယခုကဲ့သို့ သက်ငယ် မုဒိန်းမှုများ ဖြစ်ပေါ်နေရသည်။ အဘယ်ကြောင့် ယခင်ကထက် ဖြစ်ပွားနှုန်း ပိုမိုများပြားလာရသည်။ မည်သည့်အချိန်မှ စတင်ကာ ဖြစ်ပွားနှုန်း ပိုမိုများပြားလာသည်။ အဘယ်ကြောင့်ဖြစ်သည်။ မုဒိန်းမှုကျူးလွန်သူများမှာ မည်သည့်အတွက် ကျူးလွန်သည်။ မည်ကဲ့သို့သော သူများဖြစ်သည် စသဖြင့် ပြည့်စုံလုံလောက်သော အစီရင်ခံစာ ရေးရပါမည်။ ထိုအစီရင်ခံစာ၏ အဓိက ရလဒ်မှာ ဖြစ်ပွားရသော အခြေခံအကြောင်းရင်း (Root cause) ကို ရအောင်ရှာယူခြင်း ဖြစ်၏။

အခြေခံအကြောင်းရင်းကို သိပြီဆိုလျှင် သက်ငယ်မုဒိန်းမှုများ နောက်ထပ်မဖြစ်ပွားအောင်၊ လျော့ကျအောင်၊ ထိုမှတဆင့် ပပျောက်သွားအောင် မည်ကဲ့သို့ လုပ်သင့်သည်/လုပ်ရမည်ကို အကြံပြုရပါမည်။ အကြံပြုချက်သည် လက်တွေ့ကျရမည်၊ ကျိုးကြောင်း ဆီလျော်ညီညွတ်ရမည် (Resonably practicable)။ တကယ်အလုပ်ဖြစ်သော နည်းလမ်းဖြစ်ရမည်။ လေထဲတိုက်အိမ်ဆောက်သည့် မဖြစ်နိုင်သည့်နည်းလမ်းများ မဖြစ်စေရ။ တင်ပြလိုက်သည့် နည်းလမ်းသည် အလွန် ကောင်းချင်ကောင်းနေပေလိမ့်မည်။ သို့သော် လက်တွေ့အသုံးချ၍ မရလျှင် အလကားသာဖြစ်သည် ဆိုသည်ကို မမေ့သင့်။

၃။ အကြံပြုချက်အတိုင်း လက်တွေ့ လိုက်နာလုပ်ဆောင်ခြင်း (Implementation of Recommendations)

အစီရင်ခံစာတွင် ဖော်ပြထားသည့် အကြံပြုချက်များကို လက်တွေ့ချမှတ် အကောင်အထည်ဖော်ကြည့်ရပါမည်။ အကောင် အထည်ဖော်ခြင်းဆိုသည်မှာ မလိုလားအပ်သော စာရင်းဇယားကြီးများနှင့် စာရွက်ပေါ်တွင် စီမံကိန်း အောင်မြင်နေခြင်းကို ဆိုလိုတာမဟုတ်။ တကယ်ကျွမ်းကျင်သော ၀န်ထမ်းများက တကယ် စေတနာပါပါနှင့် အားစိုက်ခွန်စိုက် လုပ်ဆောင်ကြခြင်း ကို ဆိုလိုပါသည်။ မိမိတို့လုပ်နေခြင်းသည် မိမိတို့ လခရရေးတစ်ခုတည်းအတွက်သာမဟုတ်။ တစ်မျိုးသားလုံးအတွက် အရေးကြီးသည်ဆိုသည်ကို ခေါင်းထဲတွင် သံမှိုနှက်သကဲ့သို့ စွဲနေရမည်။ စွဲနေအောင်လည်း အကြီးအကဲလုပ်သူများက ရိုက်သွင်းပေးထားရမည်။ အစိုးရကလည်း ၎င်းတို့လိုအပ်ချက်များကို ပံ့ပိုးပေးရမည်။

အရေးကြီးသည့်တစ်ချက်မှာ ထိုကိစ္စတွင် ဆိုးပေတေလိပ်နေသူများနှင့် ဆက်စပ်နေနိုင်သဖြင့် သက်ငယ်မုဒိန်းမှု လျော့ကျရေး အစီအမံ၌ ပါဝင်ဆောင်ရွက်နေသူများ (အထူးသဖြင့် အမျိုးသမီးဝန်ထမ်းများ) ၏ လုံခြုံရေးကို အာမခံပေးဘို့ ဖြစ်ပါသည်။ ဤသည်မှာ ရေရှည်စီမံကိန်းဖြစ်သလို နိုင်ငံနှင့်ချီ၍ ကျယ်ကျယ်ပြန့်ပြန့် လုပ်ဆောင်ရမည်ဖြစ်သောကြောင့် အချိန်ကုန်မည်၊ ငွေကုန်မည်။ သို့သော် ပြည်သူများ တထိတ်ထိတ် တလန့်လန့်နှင့် ကျီးလန့်စာစား ဖြစ်နေရသည့်ဘ၀မှ လွတ်ကင်းအောင် လုပ်ကိုလုပ်ရမည် ဖြစ်ပါသည်။ အပြစ်မဲ့ကလေးသူငယ်များ၏ အနာဂတ်အရေးဖြစ်သဖြင့် အထူးကြိုးစားအားထုတ် လုပ်ကိုင် ကြရန် လိုပေသည်။

ထိုကိစ္စသည် အလွန်ကျယ်ပြန့်၏။ ပြည်သူအများ၏ ပူးပေါင်းဆောင်ရွက်မှုလည်း အရေးကြီးသည်။ အများပြည်သူ ပညာပေး အစီအစဉ်များပါမည်။ တေပေလေလွင့်နေသူများကို လူ့အသိုင်းအ၀ိုင်းထဲ ၀င်ဆံ့လာအောင်၊ လူရာဝင်လာအောင်၊ ယဉ်ကျေး လာအောင်၊ တာဝန်ယူတတ်လာအောင်၊ လူပီသလာအောင်၊ လူကြီးလူကောင်းဆန်လာအောင် ၀ိုင်းဝန်းပြုပြင်ပေးဘို့ လိုသည်။ ထိုသူကို ၀ိုင်းဝန်း၍ ကဲ့ရဲ့သင်္ဂြိုဟ် အတင်းဆိုနေပါက၊ လူရာမသွင်းပဲထားပါက ပိုဆိုးလာစရာသာရှိပါသည်။ သူ့ကိုယ်သူတော့ ပြင်လာလိမ့်မည် မဟုတ်ပါ။ သူ့ကို ၀ိုင်းပယ်ထားခြင်းဖြင့် ထိုသူသည် ပိုဆိုးလာပါက မိမိတို့ပင် စိတ်ဆင်းရဲရမည် မဟုတ်ပါလား။

ရပ်ကွက်အတွင်း ရှိနေသူများအချင်းချင်း ချစ်ခင်ရင်းနှီးနေအောင် တွေ့ဆုံပွဲများ၊ အားကစားပြိုင်ပွဲ၊ ပျော်ပွဲရွှင်ပွဲ စသည်တို့ လုပ်ပေးရမည်။ တစ်ရပ်ကွက်လုံးကို တစ်မိသားစုပုံစံ ရှိနေအောင် လုပ်ပေးဘို့လိုသည်။ ဘေးအိမ်က ကလေးသူငယ်များ ကိုလည်း မိမိ၏ သားသမီးများကဲ့သို့ သဘောထား၊ စောင့်ရှောက်တတ်သည့် အလေ့အကျင့်များ မွေးမြူယူရမည်။ မိမိ၏ သားသမီးများကို ကြည့်ရှုစောင့်ရှောက်ခြင်း မပြုနိုင်သည့် မိသားစုများအတွက် ကလေးသူငယ် ပြုစု ပျိုးထောင်ရေးစခန်းများ ဖွင့်ဘို့ လိုချင်လိုပါလိမ့်မည်။

လက်တွေ့တွင် လုပ်စရာတွေ သည့်ထက်ပိုကျယ်ပြန့်ပါသည်။ ပညာရှင်များ ဆက်လက် ကြံဆတော်မူကြပါ။

မုဒိန်းကောင်များကို မည်ကဲ့သို့စီရင်မည်နည်းဆိုသည်ကိုတော့ ဥပဒေဘက်တော်သားများ၏ တာဝန်အဖြစ်ထားလိုက်ပါ။

၎။ ဤနည်းလမ်းသည် ကလေးသူငယ် မုဒိန်းမှုများကို တကယ် လျှော့ချပေးနိုင်၊ မပေးနိုင်။ တကယ် အလုပ်ဖြစ်၊ မဖြစ် ပြန်လည် ဆန်းစစ်လေ့လာခြင်း (Review the effectiveness)

သက်ငယ်မုဒိန်းမှုလျော့ကျရေး အစီအမံဆောင်ရွက်မှုများကို အမြဲလေ့လာ စောင့်ကြည့်နေရန် လိုပါသည်။ ထိုကဲ့သို့ လေ့လာ စောင့်ကြည့်နေပါမှ အားနည်းချက်များ၊ မှားယွင်းမှုများကို သိနိုင်မည်။ အကယ်၍ မှားယွင်းနေသည်ဆိုပါက မည်သည့်အချက် မှားယွင်းသည်၊ အဘယ်ကြောင့် မှားယွင်းသည်၊ သို့ဆိုလျှင် အမှန်က မည်သည်ဖြစ်မည် စသဖြင့် သိနိုင်မည်။

အရေးကြီးသည်မှာ ရိုးသားမှုဖြစ်၏။ မိမိတို့၏ evaluation ရလဒ်များကို ဖော်ပြသည့်အခါ ညာတာပါတေးရလဒ်များ မဖြစ်ဘို့ လိုသည်။ မြန်မာ့ဆိုရှယ်လစ်လမ်းစဉ်ပါတီခေတ်က ၄ နှစ်စီမံကိန်းများ ချမှတ်ရေးဆွဲ၊ အကောင်အထည်ဖော်သည့်အခါ စီမံကိန်းအားလုံးမှာ တစ်ရာရာခိုင်နှုန်းသာမက ရာနှုန်းပြည့်ကိုပင်ကျော်လွန်ကာ (၁၂၀) ရာခိုင်နှုန်းလောက် အောင်မြင်ခဲ့လေ သည်။ သို့သော် သိတော်မူကြသည့်အတိုင်း ၄ နှစ်စီမံကိန်း ၅ ခုလောက်အပြီးတွင် မြန်မာနိုင်ငံမှာ ပထမနေရာကနေ ဟို့၊ ဘိတ်ဆုံးအထိ ထိုးဆင်းသွားကာ LDC (Least Developed Country) အဖြစ် ကျရောက်ခဲ့ရသည်။

သို့အတွက် အမှန်ကို အမှန်အတိုင်း၊ အရှိကို အရှိအတိုင်း လက်ခံနိုင်ဘို့ အရေးကြီးလေသည်။ မှားနေလျှင် မှားကြောင်း ၀န်ခံရမည်။ မှားတာကို မှားကြောင်းဝန်မခံသူသည် အမှားသံသရာတွင် ကျင်လည်နေခြင်းဖြင့် မည်သည့်အခါမှ မတိုးတက်နိုင်။  
ထို့ကြောင့် အကောင်အထည်ဖော်နေသည့် လုပ်ငန်းစဉ်ကို ဆန်းစစ်နေသူများသည် ရိုးသားရမည်၊ ဖြောင့်မတ်ရမည်၊ မှားနေတာကို မှားသည့်အတိုင်း ပြောရမည်၊ ဦးဆောင်ခေါင်းရွက် ပြုနေသူများကလည်း အောက်ကတင်ပြလာလျှင် ဘာကြောင့် မှားနေသလဲ ပြန်လည်ဆန်းစစ်ရမည်။

ဤကဲ့သို့ တကယ်လက်တွေ့ အားသွန်ခွန်စိုက် လုပ်နေပါလျက်ကနဲ့မှ သက်ငယ်မုဒိမ်းမှုတွေ ဆက်ဖြစ်နေသေးသည်ဆိုလျှင် မိမိတို့လုပ်နေသော လမ်းစဉ် လွဲနေပြီဖြစ်ကြောင်း သဘောပေါက်ရပါမည်။ သို့ဆိုလျှင် ဘယ်နေရာလွဲနေသလဲ အလျင်အမြန် ရှာဖွေဖော်ထုတ်ကာ ပြင်ဆင် အရေးယူရပါမည်။

ဤသို့ဖြင့် သက်ငယ်မုဒိန်းမှုများ နှစ်စဉ် လျော့နည်းကျဆင်းလာကာ နောက်ဆုံး လုံးဝနီးပါး ပ,ပျောက်သွားသည်အထိ ဆောင်ရွက်ရပါလိမ့်မည်။

(၄) နိဂုံး

ပြဿနာတိုင်းတွင် ဤ Incident investigation procedure ကို မိမိဉာဏ်ရှိလျှင်ရှိသလို သုံး၍ရပါသည်။ သားသမီးအရေး ကိစ္စ၊ အိမ်ထောင်ရေးပြဿနာ၊ လူမှုရေးပြဿနာ စသည်။ အရေးကြီးသည်မှာ ဖြတ်လမ်းမသုံးဘဲ ပြဿနာဖြစ်ရသည့် အကြောင်းရင်းကို ရှာဖွေဖော်ထုတ်ရေး ဖြစ်၏။ ဤကိစ္စမှာ လွယ်လည်းမလွယ်သလို၊ နက်လည်း နက်နဲပါသည်။ သို့သော် ကြွက်နို့သတ်သလို ကြွက်နို့ပေါက်စနကလေးများကို လိုက်သတ်နေလျှင် ကိစ္စပြီးမှာ မဟုတ်။ ကြွက်နို့အမကြီးကို ရှာကာ သတ်လိုက်မှ ကြွက်နို့ဘုစုခရုအားလုံး မာလက ဈာန်ကြွကုန်မည် ဖြစ်လေသည်။ ထို့ကြောင့် ခက်သည်ပင်ဆိုစေ၊ ပြဿနာ အရင်းအမြစ်ကို မရမကလိုက်ရှာဘို့ လိုလေသည်။ သို့မှလည်း ဖြေရှင်းရမည့် အဖြေမှန်ကို ရနိုင်ပေလိမ့်မည်။

ကျွန်ုပ်က လမ်းစပေးလိုက်ပါသည်။ မိမိဉာဏ်နှင့် ချင့်ချိန်သုံးစွဲနိုင်ကြပါစေကုန်သတည်း။

ဖတ်ရှုအားပေးသူ အားလုံးကို ကျေးဇူးအထူးတင်ပါကြောင်း

အေးငြိမ်း

၅ ဒီဇင်ဘာ၊ ၂၀၁၆။ ည ၁၁း၁၇ နာရီ

ယနေ့ စင်ကာပူရောက်မြန်မာ ၇၀၀၀ နှင့် နိုင်ငံတော်အတိုင်ပင်ခံပုဂ္ဂိုလ် တွေ့ဆုံပွဲမှ အမှာစကား

တိုင်းပြည်တိုးတက်ဘို့အတွက် လူတိုင်း ကိုယ်ကျရာအခန်းကဏ္ဍကနေ တတ်နိုင်သမျှ လုပ်ပေးသွားဘို့လိုတယ်။ အဲဒီလို လုပ်ကြမှလဲ တိုးတက်ဖွံ့ဖြိုးမှု မြန်ဆန်လိမ့်မယ်။
အဲဒီတော့ ငါ ဘာတွေ လုပ်ပေးပြီးပြီလဲ လို့ ကိုယ့်ကိုယ်ကိုယ် ပြန်မေးကြည့်ကြပါ တဲ့။
(အတိအကျမဟုတ်ပါ။ မှတ်မိသမျှကို အနီးစပ်ဆုံး ပြန်ရေးပြခြင်းသာ ဖြစ်ပါသည်။)

ဆိုတော့ ကျွန်တော် ကိုယ့်ကိုယ်ကိုယ် ပြန်မေးကြည့်မိတယ်။

အင်း၊ ခု ငါ အသက် ၅၅ နှစ်ရှိပြီ။
တိုင်းပြည်အတွက် ငါ ဘာတွေလုပ်ပေးပြီးပြီလဲ ?
ငါ ဘာတွေလုပ်ပေးပြီးပြီလဲ ?
ဘာတွေလုပ်ပေးပြီးပြီလဲ ?
ဘာတွေလုပ်ပေးပြီး ?
ဘာတွေလုပ် ?
ဘာ ?
ဘာ ?

ဟိုက်ရော၊ လက်ညှိုးထိုးပြလောက်စရာ တစ်ကွက်မှ ပြတ်ပြတ်သားသား မရှိသေးပါကလား ကွယ်ရို့။

နောက်ပြီးသူကပြောလိုက်သေးတယ်။

“ဒီအစိုးရလက်ထက်မှာ ကြောက်နေသေးတယ်ဆိုရင်တော့ အဲဒါ အတော်တုံးတဲ့လူပဲ ဖြစ်ရမယ်” တဲ့။

ဟုတ်ကဲ့။ ကျွန်တော် ငတုံးပါခင်ဗျား။ ဖေ့စဘွတ်ပေါ် ခြေလွန်လက်လွန်ရေးမိတာလေးတွေကို မြန်မာပြည်က နှမများ လှမ်းလှမ်းသတိပေးတာနဲ့ ပြန်ပြန် ဖျက်နေမိတုံး။

အဲသလောက်တုံးတာ။

ကိုင်း၊ ငတုံးမဖြစ်အောင် ပညာရေးဝန်ကြီးဌာနကထုတ်တဲ့ ပြဌာန်းစာအုပ်တွေထဲက အမှားတွေ အကုန်ဆွဲထုတ်ပြီး ရေးတော့မယ်။ ရေးဆို ခုပဲစမဗျာ။ ကြာတယ်။


(အဲသလိုလုပ်တာလဲ နိုင်ငံ့အတွက်လုပ်တာပါပဲ လို့ သူကပြောသွားသေး မဟုတ်လား။)

ကိုယ့်ကိုယ်ကိုယ် ထူးချွန်ထက်မြက်အောင် လုပ်နေခြင်းသည်လည်း တိုင်းပြည်အတွက် လုပ်နေခြင်းပင်ဖြစ်သည် ဆိုခြင်း အကြောင်း

စင်ကာပူနိုင်ငံ ၀န်ကြီးချုပ်၏ ဘိတ်ကြားမှုဖြင့် မြန်မာနိုင်ငံမှ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် စင်ကာပူနိုင်ငံသို့ ၂၀၁၆ ခုနှစ် နိုဝင်ဘာလ ၃၀ ရက်နေ့က လာရောက်ခဲ့၏။

“ကျွန်မသွားတဲ့နိုင်ငံတိုင်းမှာ မြန်မာတွေကို တွေ့ဖြစ်အောင်တွေ့လေ့ရှိပါတယ်” ဟု သူပြောခဲ့သည့်အတိုင်း စင်ကာပူရောက် မြန်မာများနှင့်လည်း ဒီဇင်ဘာလ ၁ ရက်နေ့ ညနေ ၈ နာရီမှ ၉ နာရီထိ တွေ့ဆုံခဲ့ပါသည်။

ထိုတွေ့ဆုံပွဲတွင် သူက ကျွန်တော်တို့အား “တိုင်းပြည်အတွက် ကျရာနေရာကနေ တတ်နိုင်သလောက် လုပ်ပေးကြပါ။ ဒါမှ တိုင်းပြည် ဖွံ့ဖြိုးတိုးတက်တာ ပိုပြီးမြန်လိမ့်မယ်” ဟု ပြောခဲ့ပါသည်။

ထိုအခါ ပရိသတ်ထဲမှတစ်ယောက်က “ဒါဆို ကျွန်တော်တို့ ဘာတွေလုပ်ပေးရမလဲ” ဟု မေးသည်။ သူကလည်း ထပ်၍ “ကိုယ်တတ်နိုင်တာကို ကျရာနေရာကနေ လုပ်ပေးပါ” ဟုပဲ ပြန်ဖြေခဲ့ပါသည်။ မေးခွန်းမေးသည့် မောင်ကလေးအနေနှင့် ထိုအဖြေစကားကို နားလည်မလည် မပြောတတ်ပါ။ ထို့ကြာင့် ကျွန်တော်က မိမိတို့အနေနှင့် ဘာတွေလုပ်လို့ရသနည်း ဆိုသည်ကို နည်းနည်းလောက် ပြောပြချင်ပါသည်။

တိုင်းပြည်ဆိုတာ တိုင်းသူပြည်သားများနှင့် ဖွဲ့စည်းထားတာဖြစ်သဖြင့် တိုင်းသူပြည်သားများ တုံး, အ, နေပါက ထိုတိုင်းပြည် သည် ငတုံး၊ ငအတိုင်းပြည်သာ ဖြစ်လိမ့်မည်ဖြစ်ကြောင်း၊ ထူးချွန်ထက်မြက်သော နိုင်ငံသားများဖြစ်ပါမှ တိုင်းပြည်သည်လည်း နိုင်ငံတကာနှင့် ရင်ဘောင်တန်းနိုင်မည့် တိုင်းပြည်ဖြစ်လိမ့်မည်ဖြစ်ကြောင်း ယခင် ဆောင်းပါး တော်တော်များများတွင် ကျွန်တော် ရေးခဲ့ဖူးပါပြီ။

ကျွန်ုပ်တို့ မထူးချွန်ပါက သူများညာဝါဖြီးဖျန်းပြီး ညာစားနေတာ ခံချင်တိုင်း ခံနေရမည်။ အချခံရလို့လည်း ခံရမှန်းမသိ။ အလုံးကြီးကြီးနှင့်ထည့်နေတာကိုပင် ကျေးဇူးတင်နေရသေးကြောင်း မိတ်ဆွေတို့ သိပါသည်။

ထင်လွယ်မြင်လွယ် နမူနာတစ်ခုဖြင့် တင်ပြပါရစေ။

ရခိုင်မှ ဘင်္ဂါလီ (သူရို့အခေါ် ရိုဟင်ဂျာ) များအရေးတွင် အနောက်နိုင်ငံများက အဘယ်ကြောင့် ၎င်းတို့ဘက်ကို ယိမ်းနေကြရ သနည်းဆိုသည်ကို စဉ်းစားဘို့ကောင်းသည်။ ၎င်းတို့တွင် website ကောင်းကောင်းရှိသည်။ နိုင်ငံတကာကို နားဝင်လာအောင် ပြောပြနိုင်သူများ ရှိသည်။ သူတို့အပေါ် မြန်မာအစိုးရက ဘယ်နည်းဘယ်ပုံနှိပ်စက်နေ၍ သူတို့ ဘယ်လိုဒုက္ခရောက် နေရကြောင်း အက်ဆေးကောင်းကောင်းရေးတတ်သူတွေရှိသည်။

သူတို့၏ ထိုရိုက်ချက်များကို ပြန်လည်တုံ့ပြန်ဖြေရှင်းဘို့ရာ၊ ပြန်လည်ထိုးနှက်ဘို့ရာ ကျွန်တော်တို့မှာ အင်္ဂလိပ်စာ ကောင်းကောင်း ရေးတတ်သူများ ဘယ်နှစ်ယောက်များ ရှိပါသနည်း။ ကိုယ်ကပြန်ဆော်ဘို့အသာထား။ ယုတ်စွအဆုံး သူတို့ဘာရေးထားတယ် ဆိုတာတောင် မနည်းနားလည်အောင် ကြိုးစားပမ်းစား ဖတ်နေရဆဲအဆင့်တွင်ပင် ရှိသေးသည်။

ယခု ကျွန်တော်က မြန်မာနိုင်ငံသားဖြစ်နေ၍ ထိုဘင်္ဂါလီများအကြောင်း ကောင်းကောင်းသိသည်။ အကယ်၍ ကျွန်တော်သာ ဥရောပတွင်နေသူ၊ မြန်မာစာမဖတ်တတ်သူဖြစ်ပါက ဟို ဘင်္ဂါလီများရေးထားသည့် website ကိုဖတ်ပြီး ၎င်းတို့ကို သနား နေမည်သာဖြစ်၏။ ၎င်းတို့ဘက်က ပါနေမည်မှာ အမှန်ပင်ဖြစ်လေသည်။ အဘယ်ကြောင့်ဆိုသော် ၎င်းတို့ရေးထားသမျှကိုသာ တဖက်သတ် ဖတ်နေရသောကြောင့်တည်း။

သို့ဖြစ်၍ ထိုကိစ္စမျိုးအပါအ၀င် အခြားကိစ္စရပ်တော်တော်များများတွင် သူများတွေနှင့် ပုခုံးချင်းယှဉ်၊ ရင်ဘောင်တန်းနိုင်ရန် အရည်အသွေးပြည့်ဝသော နိုင်ငံသားများ ဖြစ်လာအောင် ပြုစုပျိုးထောင်ယူရပေလိမ့်မည်။

ဤသို့ပြုစုပျိုးထောင်ရာတွင် အစိုးရကိုချည်းအားကိုးနေလို့မရ။ တိုင်းသူပြည်သားများ၏ ပူးပေါင်းပါဝင်မှုလည်း များစွာ အရေးပါ လေသည်။ အစိုးရက ဦးဆောင်ရန်လိုသည်ကို ပြောစရာမလို။ အစိုးရသည် မူဝါဒချမှတ်ပြီး ကောင်းမွန်မှန်ကန်သော စနစ်များ ရေးဆွဲကျင့်သုံးရန်လိုသည်။ ထိုစနစ်ကို အကောင်အထည်ဖော်ရာတွင်မူ အောက်ခြေ၀န်ထမ်းများနှင့် တိုင်းသူပြည်သားများ၏ အခန်းကဏ္ဍကို မေ့ထားလို့မရ။ စနစ်မည်မျှကောင်းနေသည်ဖြစ်ပါစေ။ လူများမလိုက်နာလျှင် အလကားပဲဖြစ်သည်။

နားလည်လွယ်အောင် ကျွန်ုပ်ကိုယ်တွေ့ အသစ်ကျပ်ချွတ် နမူနာကလေးနှင့် ပြောပြပါမည်။

ယခု ကျွန်တော် အဝေးသင်တက္ကသိုလ်တက်ပါသည်။ ဤသည်မှာ စတန့်ထွင်လို၍ မဟုတ်။ တက်ချင်လို့တက်တာ ဖြစ်၏။ ကွန်တော် ယခုမှ အဝေးသင်တက္ကသိုလ်ကို စ,သိတာမဟုတ်။ ဟို့ ၁၉၈၀၊ တက္ကသိုလ် စာပေးစာယူသင်တန်း ဘ၀ကတည်းက ရင်းနှီးခဲ့တာဖြစ်သည်။ မိတ်ဆွေတို့ ကျွန်တော်တို့အိမ်လာကြည့်ကြစမ်းပါ။ အဝေးသင်တက္ကသိုလ်မှ ပို့ချစာစဉ်များကို နှစ်စဉ် အလိုက် စုဆောင်းထားတာ ပြချင်ပါသည်။ 

အဝေးသင်တက္ကသိုလ်ဆိုသည်မှာ ဆရာဆရာမများက တက္ကသိုလ်တွင် ပို့ချသည့်အတိုင်း အဝေးမှ ကျောင်းသားကျောင်းသူ များကို ပို့ချပေးခြင်းဖြစ်၏။ ထိုအထဲတွင် စာစဉ်များနှင့် ဗီဒီယိုခွေများပါသည်။ ဟိုးယခင် ဗီဒီယိုမရှိခင်က တီဗီမှ အပတ်စဉ် လွှင့်ပေးသည်။ သို့ဖြစ်၍ ပို့ချချက်များမှာ အတော်လေးကို ပြည့်စုံပါသည်။ ဤစာစဉ်များကိုသာ သေသေချာချာ ကျကျနန လေ့လာပါက တက္ကသိုလ်သွားတက်နေသူများကဲ့သို့ပင် တတ်မြောက်ကျွမ်းကျင် နိုင်ပါလိမ့်မည်။

သို့သော် ထိုစာစဉ်များကို သေချာစွာဖတ်ဖူးသူ ဘယ်နှစ်ယောက် ရှိပါသနည်း။ အဝေးသင်တက္ကသိုလ်မှ ပို့ချချက်များကို တီဗီတွင် စောင့်ကြည့်နားထောင်၊ လေ့လာသင်ယူသူ ဘယ်နှစ်ယောက် ရှိပါသနည်း။ ပို့ချချက်စာစဉ်များနှင့်အတူ ပူးတွဲ ပေးပို့လိုက်သော ဗီဒီယိုခွေများကို ဖွင့်နားထောင်သူ ဘယ်နှစ်ယောက် ရှိပါသနည်း။

အကယ်၍ ကျွန်တော်သာ ဘီလ်ဂိတ်၏သားမက်ဖြစ်ခဲ့ပါက အဝေးသင်တက္ကသိုလ်အကြောင်း ဆာဗေးလုပ်ကြည့်ချင်ပါသည်။ (အခုတော့ စားဝတ်နေရေးအတွက် ပိုက်ဆံရှာနေရလို့ ဆာဗေးလုပ်ဖို့ အခွင့်မသာပေဘူးပေါ့ဗျာ။ မိသားစုကိုပစ်ထားပြီး ဆာဗေးသွားလုပ်နေရင် မိန်းမနဲ့ နောင်ဂျိန်ချရမှာပေါ့။ ဤကား စကားချပ်)

ကျွန်တော်မမှားဘူးဆိုလျှင် အဝေးသင်တက္ကသိုလ် ကျောင်းသား တစ်ထောင်ရှိပါက ပို့ချစာစဉ်များကို ဖတ်ဖူးသူ ဆယ်ယောက် မျှပင် ပြည့်မည်မထင်ပါ။ အထဲမှာ ဘာတွေရေးထားသလဲဆိုတာ စုံစမ်းလေ့လာဘို့ ဝေးစွ။ ထိုအဝေးသင်စာစဉ် စာအုပ်ထုပ်ကို အထုပ်ဖြေဖူးသူပင် ဆယ်ယောက်ပြည့်မည် မထင်။ စစ်စစ်ပေါက်ပေါက် လိုက်မေးမည်ဆိုပါက မိမိသင်ယူ လေ့လာရမည့် ဘာသာရပ်များ၏ နာမည်ကိုပင် မှန်အောင်ဖြေနိုင်မည့်သူ အတော်ရှားပါလိမ့်မည်။ ဤသည်မှာ ကျွန်တော်က ရမ်းတုတ်ခြင်း ဖြစ်၍ မှန်ချင်မှ မှန်ပါလိမ့်မည်။ တကယ်ဖတ်ရှုလေ့လာသူများ မရှိဟု မဆိုလို။ ရှိသည့်တိုင် အလွန်ရှားကြောင်း ပြောခြင်းသာ ဖြစ်၍ တကယ်လေ့လာနေသူများ မနာကြပါနှင့်။

ကျွန်တော်စာမေးပွဲဖြေရအောင်သွားတော့ စာကျက်နေသူ မောင်ကလေး၊ မယ်ကလေးတို့ကို တစေ့တစောင်း အကဲခတ် ကြည့်မိပါသည်။ ကျွန်တော်မှလွဲ၍ တစ်ဦးတစ်ယောက်မှ ပြဌာန်းစာအုပ်ကိုင်ပြီး စာကျက်နေတာ မတွေ့ခဲ့ရပါ။ အားလုံး ကျူရှင် စာအုပ် သို့မဟုတ် ဗလာစာအုပ်နှင့် ရေးမှတ်ထားသည်များကို ကျက်နေကြတာသာ ဖြစ်၏။

နောက်ပြီး ပြောစရာရှိသည့်တစ်ခုမှာ သင်ကြားရေးစာစဉ်များအကြောင်းဖြစ်၏။ သင်ကြားရေးစာစဉ်များ၏ အရည်အသွေး ကိုလည်း မြှင့်ဘို့လိုသည်။ အရည်အသွေးဆိုသည်မှာ ရုပ်ပိုင်းဆိုင်ရာ စာရွက်သား၊ စာအုပ်အပြင်အဆင်၊ စာအုပ်ချုပ်ပုံ စသည်တို့ကိုသာ ဆိုလိုသည်မဟုတ်။ အထဲမှ စာများ၏ အရည်အသွေးလည်း ပါသည်။ ဤသည်မှာ ပြောစရာအများကြီးရှိ၍ ဤနေရာတွင် မပြောတော့ပါ။ နောက်မှ ဆောင်းပါးအရှည်ကြီး ရေးပါမည်။

အဆိုးဆုံးကား အင်္ဂလိပ်စာ အဆင့်အတန်းဖြစ်၏။ အမှန်ကိုပြောရလျှင် ယခုဖြေခဲ့သည့်စာမေးပွဲအတွက် ကျွန်တော် အင်္ဂလိပ် စာကို ကြိုကြည့်သွားတာ မဟုတ်ပါ။ ယခင်နှစ်က မေးခွန်းဟောင်းများကိုကြည့်လိုက်တော့ တရေးနိုးထဖြေတောင် အောင်မှန်း သိသဖြင့် ဖြေမည့်ညကျမှ အနည်းအပါး လှန်လှောကြည့်သွားတာသာ ဖြစ်ပါသည်။ သဟာနှင့်တောင် ကျွန်တော်မဖြေနိုင်တာ တစ်ပုဒ်မှ မတွေ့ခဲ့။ အဖြေနိုင်ဆုံးဘာသာမှာ အင်္ဂလိပ်စာ ဖြစ်သတည်း။

အားမနာတမ်းပြောရလျှင် GCE အဆင့်အတန်းနှင့်ဆို Primary 4 အဆင့်တောင်မရှိပါ။ မိတ်ဆွေတို့မယုံလျှင် Primary 4 အင်္ဂလိပ်စာနှင့် အဝေးသင်ပထမနှစ် အင်္ဂလိပ်စာကို ယှဉ်ပြပါမည်။

ကျောင်းသားများ အင်္ဂလိပ်စာတတ်မြောက်ဘို့အတွက် အင်္ဂလိပ်စာအဆင့်အတန်းကိုမြှင့်ရန် များစွာလိုနေပါသေးသည်။ ကျွန်ုပ်ပြောတာကို လွန်လှပြီဟု အသင်ဆိုအံ့။ အောက်ပါ စာပိုဒ်ကလေးကို ဘာသာပြန်ကြည့်စမ်းပါ။

“ဆောင်းဦးပေါက် မနက်စောစော လမ်းလျှောက်လာစဉ် အိမ်ဘေးနားရှိ သစ်ပင်ပေါ်မှ ကျေးငှက်ကလေးများ၏ အိပ်တန်းထသံ ကြည်ကြည်ကြာကြာကို ကြားရသည်။ လေပြေညင်းကလေး တသုန်သုန် တိုက်ခတ်နေ၏။ လမ်းဘေးပန်းခြုံများမှ ပန်းရနံ့ကို သင်းသင်းလေး ရှုရှိုက်မိသည်။ ကြည်နူးစရာ ကောင်းလှသည့် နံနက်ခင်း ကလေးပါတကား။”

ထိုစာစီစာကုံးကလေးကို အင်္ဂလိပ်လို ချရေးကြည့်စမ်းပါ။ “ပန်းရနံ့သင်းသင်းကလေး” ဆိုတာဝေးလို့ “ငှက်ကလေးတွေ ကြည်ကြည်ကြာကြာမြည်သည့်အသံ” နှင့်ပင် ဒုက္ခရောက်လှပြီ မဟုတ်လော။

ပြန်ကောက်ရလျှင် အနှီကျောင်းသားကလေးများသည် အဝေးသင်တက္ကသိုလ် စာမေးပွဲကို တစ်ပွဲထိုးကြည့်ပြီး ဖြေနေကြခြင်း မှာ မိမိကိုယ်ကိုလည်း ဖျက်ဆီးရာရောက်သည်။ တိုင်းပြည်အတွက်လည်း နစ်နာသည်။ မိဘများအတွက်လည်း နစ်နာသည်။ မည်သူ့အတွက်မှ အကျိုးမရှိ။ သို့ဆိုလျှင် အဘယ်ကြောင့် ဤကဲ့သို့ဖြစ်နေရသနည်း။ စဉ်းစားကြဘို့ ကောင်းပါသည်။

ကိုယ်ဖြေနေတာ ဘာတွေမှန်းမသိပါဘဲလျက် ထိုကျောင်းသားကလေးများသည် စာမေးပွဲများအောင်ပြီး ဘွဲ့ပင်ရလာသည့်တိုင် မည်ကဲ့သို့အရည်အချင်းရှိသူ ဖြစ်လာပါမည်နည်း။

ဤသည်မှာ တစ်နေရာတည်းမဟုတ်မူ၍ တစ်နိုင်ငံလုံး ဖြစ်နေတာဖြစ်သည်။ မည်မျှဆိုးရွားလိုက်ပါသနည်း။ နစ်နာသမှ နိုင်ငံနှင့်ချီ၍ နစ်နာသည်။ ဤပုံနှင့် မည်ကဲ့သို့ ဖွံ့ဖြိုးတိုးတက်သော နိုင်ငံကြီးကို တည်ဆောက်ပါမည်နည်း။

ကျောင်းသားကလေးတွေ တကယ် တော်တည့်ထက်မြက်ပါမှ တကယ်တတ်မြောက်ကျွမ်းကျင်သည့် အင်ဂျင်နီယာများ၊ ပိသုကာများ၊ ကုန်ထုတ်လုပ်သူများ၊ အသိပညာရှင်၊ အတတ်ပညာရှင်များ ပေါ်ထွက်လာပါလိမ့်မည်။ ကျောင်းသာပြီးလာရော ဘာမှမတတ်လို့ အလုပ်ထဲကျမှ အကုန်ပြန်လေ့လာ၊ သင်နေရလျှင် ကိုယ်လည်းစိတ်ညစ်ရမည်။ အလုပ်ရှင်လည်း ကြိုက်မှာ မဟုတ်။ အချိန်နှင့် ငွေလည်းကုန်သည်။ လူလည်းပင်ပန်းသည်။

တိုင်းပြည်တစ်ခုကိုထူထောင်တာ သယံဇာတတွေနှင့်ချည်း ထူထောင်လို့ရတာမဟုတ်။ ရုပ်ဝတ္ထုပစ္စည်းများ မည်မျှပေါများ နေသည်ဖြစ်ပါစေ။ လူမရှိက ဘာလုပ်လို့ရပါမည်နည်း။ ထို့ကြောင့် လူအရင်းအမြစ် အဓိက အရေးကြီးလေသည်။ ထိုလူအရင်းအမြစ် ပျိုးထောင်ရေးတွင် အစိုးရရော ပြည်သူလူထုပါ အရေးကြီးကြောင်း ယခုလောက်ဆို မိတ်ဆွေတို့ သဘောပေါက်ပါပြီ။

ထို့ကြောင့်ပင်လျှင် ကိုယ့်ကိုယ်ကိုယ် ထူးချွန်ထက်မြက်အောင် လုပ်နေခြင်းသည်လည်း တိုင်းပြည်အတွက် အလုပ်လုပ်နေခြင်း ပင်ဖြစ်သည် ဟု ကျွန်ုပ်ဆိုခြင်း ဖြစ်သတည်း။

အသင်တို့သည် ကားရထားကို သက်တောင့်သက်သာ စီးချင်ပါသလား။ ၀င်ငွေကောင်းကောင်းဖြင့် မပူမပင် မကြောင့်မကျဘဲ နေလိုပါသလား။ သက်တောင့်သက်သာရှိသည့် လူအဖွဲ့အစည်းတစ်ခုကို ဖန်တီးချင်ပါသလား။ မိမိ၏မိသားစု ကျန်းမာရေး၊ ပညာရေး စသည်တို့အတွက် စိတ်အေးလက်အေး နေလိုပါသလား။ ဒ့ါထက် အ၀ိုင်းလည်မနေသည့် အင်တာနက် ကောင်းကောင်းကလေး သုံးချင်ပါသလား။

အချုပ်ဆိုရလျှင် အသင်တို့သည် သင်တို့၏တိုင်းပြည်ကို ဖွံ့ဖြိုးတိုးတက်သော တိုင်းပြည်တစ်ခု ဖြစ်လာစေလိုပါသလား။
သည်အတိုင်းတော့ ဖြစ်လာစရာအကြောင်း မရှိပါ။ အစိုးရကိုချည်း အားကိုးနေလို့လည်း မဖြစ်ပါ။ အားလုံး တက်ညီလက်ညီ ၀ိုင်းကြ၀န်းကြမှ ရပါမည်။

သည်မျှဆိုလျှင် “ကျွန်တော်တို့ တိုင်းပြည်အတွက် ဘယ်နေရာကနေ ဘာတွေလုပ်ပေးလို့ရမလဲ” ဆိုသည့်မေးခွန်းကို ဖြေပြီး ဖြစ်ပါသည်။

ပြန်ချုပ်ပါမည်။

၁။ ကိုယ့်ကိုယ်ကိုယ် ထူးချွန်ထက်မြက်အောင် လုပ်ပါ။
၂။ ကိုယ့်ပတ်ဝန်းကျင်မှ လူများ (လူငယ်များ) ကို ထူးချွန်ထက်မြက်သူများဖြစ်လာစေရန် တတ်နိုင်သမျှ နှုတ်၏ စောင်မခြင်း၊  လက်၏ စောင်မခြင်းဖြင့် ကူညီစောင့်ရှောက်ပါ။
၃။ မိမိကိုယ်တိုင် (မဟုတ်တာဆို ဘာမှမလုပ်သော) ပတ်ဝန်းကျင်၏ စံပြဖြစ်အောင် နေပြပါ။ ကိုယ်နေသည့်အတိုင်းလည်း မိမိနှင့်နီးစပ်ရာ ကလေးသူငယ်များကို သွန်သင်ဆုံးမပါ။

အသင်သာ ဤကဲ့သို့ နေ့တဓူဝ လုပ်နေသည်ဖြစ်အံ့။
အသင်ကား တိုင်းပြည်ဖွံ့ဖြိုးတိုးတက်ရေးအတွက် အစွမ်းကုန် ကြိုစား ဆောင်ရွက်နေသူ ဖြစ်တော့၏။

(ဒေါ်အောင်ဆန်းစုကြည်ကို ချစ်မြတ်နိုးသောစိတ်ဖြင့် ဤစာကို ရေးပါသည်။ သူ့ကိုချစ်လျှင် သူ့စကားကို နားထောင်ရမည် မဟုတ်ပါလော။)

အားလုံးကို ကျေးဇူးတင်ပါသည်။

အေးငြိမ်း

၂ ဒီဇင်ဘာ၊ ၂၀၁၆